‫#‏ياخوانا‬ | 104 | ‫كلنا #نفير (by yakhwanna)

نفير الدوحة (by shawgi mahadi)

#نفير

حملة نفير - السودان (by nafeer Sudan)

سيدة من المرابيع الغريقة غاضبة من الحكومة وتشكر الكشافة البحرية (by Ahmad Mahmoud)

البديل مننا و فينا - SUDAN.. YES WE CAN (by orange tint)

#السودان_ينتفض #sudanrevolts

مسدار الثورة والرباطة



شبابا حاضن اللابتوب مقيل

نحافا زى قصب ناشف عديّل

تشوفوم لى دميعاتك تسيل

اتاريهم بعدلوا فى المميل

بنات و اولاد عجاب حاجب كلامهم

دقاق زى القمح يعجب سلامهم

يسووا الشي الصعب طول نظاهم

خلو غفر بلد يركع امامهم

يكتبولك سفن معناتا حاهم

يقولوك ثرى دى العين حداهم

كلامهم زين بعرفوا السر براهم

ضوقوا طاغتين سما فراهم

شباب بى بنطلون جينز و فنيلة

مو بدلا جداد و جيوب تقيلة

و لا عمما مكنتلة لا مثيلا

و لا فارهات و احزاب ديل و ديلا

شباب الفيس مع تويتر مجمع

قرولى حديثوا لامن مايقى دمع

بدور حرية مو جبرية تقمع

بدور الطاغية يرخى اضانو يسمع

بدور كل السجون مليانة تفضى

بدور جيعانا يشبع يغنى يرضى

بدور الذل يفوت لا تبقى فوضى

بدور الحق يعود لاهلو فرضا

بدورك يالبشير تلحق مبارك

تسوقا معاك وداد و نشوف غبارك

تسوق على نايبك الفرتق جبارك

تسوق اخوانك السراق و عارك

سوق خالك وكيل ناس الهواوى

و اولاد خالك الباقين بلاوى

و اخوان ناسك اسباب الشكاوى

و قاعدين فى قلوب الناس مكاوى

سوق عباس اخوك القالوا سيد

سوق على خوك حريميا بليد

سوق حسن الذى فى الخم شديد

و سوق كل السجم و الناس تعيد

سوق عبد الرحيم سيد العمارة

و اخوه و صهرو حكام الامارة

و بكرى وليدوا مليارات مغارة

ا يشوفولم مع الوليدات دبارة

وود الجاز تسوقوا و ليكا يحلق

بدل نهب البلد طوالى يسرق

وليدو يكمشن الشركات و يزحلق

وليدو التانى مليارات ببعزق

و سووق كرتى و كروتو الضاربة جملة

مصانع اسمنت بربر عندو نملة

زمان عامل مجاهد صام وصلى

تراهو براهو يخمش وجيبوا يملا

كلاما للولاة النهبوا الخزاين

وكتروا للمغابين و الغباين

و سووها المطارات و الجناين

حرامية وصعاليك كلو باين

و داك ود حمزة عبد الباسط يلغف

و الزنقان حريفا باقى فى السف

سياد عفرا جميعا يمشو فى الصف

شان باقى البلد ما يمشى يتلف

وود الوالى من وين جاب قروشوا؟

و طافر مادى فوق الناس كروشوا

مال الشعب يرجع جوه حوشو

و جمال يرجع موظف و اكلوا بوشو

سوق عثمان وليد توتى المدغلب

شفط مال البلد طوالى بنهب

وما خلالو شينا ما عملوا تب

عماراتو الكتاااااااااار للشعب تنسب

كتااااااار المفسدين ما خمسة ستة

كبيرهم يالبشير و الله انت

دليلى عليك بعد سنتين سمنت

خليت البلد مرمية جتة

مشاريعنا الكبيرة بقت خرايب

و حيشانا الكبيرة بقت زرايب

و زيتنا طلع هلكنا من الضرايب

دفعتا بلدنا للال و القرايب

سوق كل العصابة معاك اجروا

و ما ظنيت تفوت فرعون وكجرو

شباب الفيس دا ماااااا بتقدر تهجرو

انت ضلام وديل اولادنا فجرو

انت ضلام وديل اولادنا فجروا

عجبونى الليلة جوا

عجبونى الليلة جوا

عجبوني… اولاد الكيزان
خلوا الغنم والخرفان
لبسوا البدل والقمصان
ركبوا الكليك والتوسان 
من نياﻻ لى قيسان
عجبونى الليلة جوا
سرقوا البلد نضفو
عجبونى أوﻻد
عجبونى اولاد الحواري
نبشوني وشالوا حالي
سرقوني ورفدوا خالي
طول الليل ﻻفين طوالى
نهبوا البلد باللواري باللوارى
ودقسونا بالكبارى
عجبونى الليلة جوا
نهبوا البلد نضفو
عاجبني اب عينا شراره
ساس الناس بالحقاره
يوم دخل للبيت زياره
شال المره وشال عيالا
حرق ابوهم بالطياره
عجبونى الليلة جوا
سرقوا البلد نضفو نضفو
عجبوني الهدو الابقار
وشالوا تمنا بالدولار
في الاسواق هم التجار
وبنو للناس مسجد ضرار
عجبونى الليلة جوا 
سرقوا البلد نضفو
سرقوا البلد نضفو…اا
عاجبني الدارس الخلاوي
النهب مال التقاوي
الطبيب الكان بداوي
دخل السوق سوى البلاوي
عاجبني الحقق مرادو
ركب الهمر والبرادو
عجبونى الليلة جوا 
سرقوا البلد نضفو الليله
سرقوا البلد نضفوا 
عجبوني الباعوا الارض
عجبوني الهتكوا العرض
عجبوني الخلوا الفرض
شرعوا الزنا بس ما تلد!!…عجبي
عجبونى الليلة جوا 
جابوا الواقي وقننوا
عاجبني العرس تلاته
وجاب الرابعة ياحلاته
للعروس الفي السباته
جاب الفيلا زي اخواتا
اربع فلل ما شاء الله
كتبوا فيها ما شاء الله
عجبونى الليله جوا
ما شبعوا وما استحوا
شرعوا الزنا وحللو.ا
عجبوني السكنواالفلل
وخلوا المو يه الفي القلل
ساعة الناس فاقدا الامل
هم في الملهى وفي السفر
على حساب الغلابا
عجبونى الليلة جوا 
سرقوا البلد نضفو
عجبوني الفتنوا الرعية
عصبية وجهوية
وكت الناس في الحر مقليه
فوق الحر زادوا البليه
دينهم دين جاهلية
النفاق والقبلية
عجبونى الليلة جوا
جابوا ابليس بايعوا
من اين اتى هؤلاء؟
عجبوني… اولاد الكيزان
ديل القسموا السودان
فرزوا الناس كيمان كيمان
في الشارع دقوا النسوان
ما خايفين من الرحمن
ما خايفين من اي حاجه
الجنائية تحت جزمتي
عجبونى الليلة جوا 
سرقوا البلد نضفو
عجبوني النفخوا الجيوب
عجبوني الفصلوا الجنوب
يوم الحاره بقولوا ووب
في لاهاي ليهم دروب
عجبونى الليلة جوا
سرقوا البلد نضفو
يمهل ولا يهمل
عجبوني النهبوا البلاد
عجبوني الذلوا العباد
ديل النشروا الفساد
وكتين الله علينا جاد
نهبوا الخير خلوا الرماد
بتروناس رامي العداد
البترول ليهم بس
عجبوني اولاد الضهاري
خلوا المنجل والطواري
تركوا السفه والعماري
نهبوا الطرق والكباري
وشالوا المال باللواري
عجبونى الليلة جوا 
نهبوا الوطن قمحو…ا
عاجبني اب رايا سديد
العمل عرس الشهيد
ساعة الناس نارا بتقيد
في الفراش عزف النشيد
يعرض فرحان شديد
عجبوني الليلة جوا
ليه اولادهم ما مشوا
زي اولادنا استشهدوا
عاجبني فقه الضروره
وكت الناس ضايقه ومقهوره
وصحن الفول بقى بالجروره
في قصرو سوى النافوره
وجاب اليخت وشال عموله
قولوا ما شاء الله
عجبوني الليله جوا
نهبوا البلد نضفوا
عجبوني السووا السمح
عجبوني الزرعوا القمح
اولاد بمبه ضبح سلخ
شالوا السودان ملح
خلو خشمنا ملح ملح
عجبوني الليله جوا
حصدواالقمح صدروا

 

Nile - President - ( Revolution Songs ) (by sefobkefo)

 #السودان_ينتفض #SudanRevolts

نشكوك الى الله ياحسن الترابى.flv (by tilall7777777)

#SudanRevolts #السودان_ينتفض